كان ياما كان...!!

كان يا ما كان بقديم الزمان وسالف العصر والاوان .... لحتى كان

كان في شي اسمو مدرج...وكان فيه طلاب,كومة طلاب ما يقارب 250 طالب وطالبة,كانو هالطلاب عم يحضرو شي اسمو "محاضرة" طبعاً تجاوزاً رح سميها محاضرة,وبينما كان الشرح شغال يا سادة يا كرام...سأل احد الطلاب الاشاوس دكتور المادة وحطولي كلمة دكتور بين قوسين لو سمحتو
قلو يا دكتور ليش عم نجاوب على اسئلتك صح ومع هيك ما عم ينجح الا ما ندر من الطلاب؟؟

ضحك الدكتور وجاوبو: يا ابني انا ما بظلم حدا ومتل ما بتكتبو بتكون العلامات وفي سلم تصحيح وعلى هالاساس بحط العلامات....واكمل هالدكتور الكلام وقلو للطالب خود هالمثل...

مرة كان في واحد من الطلاب الظاهر مو محضر منيح وما عرف يجاوب,قام رايح كاتبلي اغنية ل علي الديك...والله انا عجبتني كلمات الاغنية قمت نجحتو وقلت حرام الطالب تعب بكتابة الاغنية!!

وانقلبت المحاضرة لتهريج ومسخرة من عمو دكتور المادة عالطلاب والطلاب عم يضحكو وبكل أدب حط دكتور المادة رجل على رجل وشلح صباطو (حشاكن طبعا) وصار يحك رجلو من فوق ومن تحت الجراب وللعلم ما كان في طاولة او ساتر ادامو يعني علناً وبعلمكن اول صف بالمدرج اغلبو بكونو صبايا ولا خجل ولا حياء ... ولكن فاقد الشيء لا يعطيه...

طبعا شي طبيعي يكونو الناجحين اعدادن محدودة كتير لأن بوجود هيك شخصيات فذة طبيعي رح يكون ترتيب جامعتنا الغالية الاولى بعد الثلاث الاف ومدري كام

ملاحظة: يلي عرف على مين الحكي لا يقول اسمو هااا بعدين برسبونا بالمادة...

وتحياتي للجميع

عنجد شي بضحك ما بلومك...

بس محدا آخد الموضوع انو صار عن جد ومفكرين الشغلة مجرد حكاية ظريفة

على كل حال مو متوقع منكن اكتر من هيك

انا ما بظن قلتلك انو الموضوع مماصار وانت مابصير تفهم لوحدك من الشعار يلي بعتو انو انا عم اتمسخر او انو الموضوع ما صار او مفكر الموضوع مجرد حكاية ظريفه
لما تناقشني وتفهم شو بقصد من الشعار وقتا فيك تعلق زميلي
syrian_conodor
شكرا لموضوعك

اوك مو مشكلة حصل خير...

معك حق ...عنجد شي بيربط اللسان...مشكور لمرورك