قصتي مع التسجيل في العام الماضي

بسم الله الرحمن الرحيم
في البداية أحب أن أتقدم بالشكر لكل عضو في المجموعة الطيبة وأبارك للطلاب يلي تخرجوا وأبارك للطلاب المستجدين سلفاً وأقول لهم إن شاء الله رح أكون منكم ويباركلكم في طريقكم .
التوتر العصبي والزعل وضبط الأعصاب والغضب والأمل كلها مرت علي في فترة التسجيل ثم نتائج المفاضلة ثم ملئ الشواغر في السنة الماضية .
سنة كاملة من الترتيبات والإستعداد لأكون طالب في الجامعة يلي صبرت مشان أحقق هدفي بس بأخطاء قاتلة وهو مابحثت عن قواعد أنظمة التعليم المفتوح وما تابعت كيف يلي كانوا قبلي من السنة الماضية عملووا وما سألت من لديهم معرفة ليساعدني إلا بعدين .
وكل فكري أنه زمان كان على طول يقبلوك لأنه كان الناس معتقدين أنه التعليم المفتوح ما هو معترف في وزارة التعليم العالي والفترة الأخيرة اعترفوا فيه وحبيت أدخل محاسبة لأني طالب معهد تجاري اختصاص محاسبة وكل فكري أنه بالشام بس وكانت علامتي البكالوريا القديمة 163 علمي ونزلت على الشام وقدمت المفاضلة وكل علمي أنه خلاص مشي الحال وبالمصادفة رأيت زميل لي يريد أن يسجل في التعليم المفتوح بحلب وطلب مني أن أسجل معه وقلتله ماشي ( نتسلى ) وسجلت بكل الاختصاصات يلي موجودة في جامعة حلب وكان أخرها الحقوق لأني أصلا ما بدي الحقوق كلها على بعضها .
وطلعت نتائج الشام وكانت الصدمة الأولى الشام علمي قديم اختصاص محاسبة 184 شعرت بالإحباط والزعل على هي الصدمة الزميل ( هاني العزو ) أخبرني أنه طالما أنك سجلت في حلب بتقدر لو بتصير سنة تانية تختار التخصص يلي بدك إياه وقلنا يالله وطلعت النتائج طلعلي حقوق بس وإدارة المشاريع والتأمين والمصارف 165 صدمة الثانية حزنت يأست اسودت الدنيا بوجهي . ومن خلال تصفحي على النت أحببت أن أرى نتائج جامعة تشرين بالصدفة وتفاجأت أنها لديها محاسبة وكان علمي قديم 122 بس الصدمة الثالثة وكانت أشد الصدمات على قلبي .
قال لي الزميل ( هاني العزو ) مالك غير تنتظر نتائج ملئ شواغر وهي بتكون في مقاعد فاضية بيضطروا أنه ينزلوا علامات المفاضلة حتى يكتمل المجموع
ومرت شهر على الإنتظار وحرقة الأعصاب والشام ما طلعت وحلب طلعت قلنا خير وكان طالبين 162 قلنا فرجت وأخيرا والحمد لله وحاولت التسجيل لكن أخبروني شؤون الطلاب أنه طالما طلعلك حقوق في المفاضلة الأولى مالك غير حقوق ولا يحقلك ملئ شواغر الصدمة الربعة .وصوم صوم وإفطر على التوم .
أقسمت بالله أنه لن أترك كلية فيها اقتصاد إلا وسجلتها بكل المحافظات السورية ووكلت أخوي ونزلت على السعودية أكمل شغلي .
ولما بدأ تسجيل هذه السنة والمشاكل يلي تمر فيها سوريا خفت على أخي من المشاكل والأحداث بالكاد سجلت في حلب وتشرين فقط أما شام بعث فرات خفت على أخوي من مشاكل في الطرقات .
آسمف لأني طولت كتييييييييييير في كتابتي بس حبيت أنه أكتب مشان فشة قهر وإما نكون فنستمر بالكتابة أو لا نكون وتكون آخر كتابتي لكم لأني بإعتبار لست طالب بعد
والسلام عليكم ورحمة الله وبركاته