الشاب السوري

بيحمل باكيت الدخان والموبايل ومفاتيح السيارة (أو البيت إزا مافي سيارة) والقداحة والبوكت كللللللون بإيد... والسيجارة بالإيد التانية

كيف بيساعو ما حدا يسأل

لما بيسوق بيرجّع المقعد لورا عل أخير وبينجعص وبيطبّق البنات والشباك نص فتحة

لما بيسوق بيطلع إيدو من الشباك وطبعا السيجارة موجودة على طول

بيلبس بوط مبوّز من إدّام

وين ما قعد دغري بينجعص

البوكت مونّي على طول (مطنبر) بالجيبة الورانية

لما يحكي مع بنت على التلفون بيبلش يناديلها: إيه حبيبي من أول تلفون خخخخخخخخ

لما بيجي على السعوديه ما بيشتري إلا مارسيدس أو بي إم وبيضل يقسّط حقها شي 10 سنين
يعني معو عقدة البي إم والمارسيدس ههههههههه


الشاب السوري بمراهقته ولوقت ما بيخلص دراسة ما بيخلي بنت من شره وبس بده يتجوز
بيدور ع وحدة عمرها 20 سنة!

الشاب السوري أول ما بيحكي مع البنت بيصير بدو يلبّسها على كيفو ويمشيها على كيفو

وبيصير بدو ياها تاخد إذنو أبل ما تروح لأي مكان...

الشاب السوري بيخبّص ليشبع مع كل بنات الحارة وبس يتجوز بيروح لعند إمو تنقيلو
عروس مو بايس تمها غير إمها منشان يربيها على كيفو

الشاب السوري بيفكر حالو أفهم واحد بالعالم وما بتفوتو الفايتة

الشاب السوري ...لما يشوف بنت روسية بتشط ريالتو وبيسكّر مخو وما عاد بيطسّ إدّامو وبيبطّل يجمّع

الشاب السوري لما بيكون قاعد بشي كافيه وبنت بتمرء من جنبو بيضل يشئلها من فووووووووووء لتحت لحتى توصّل على بيتها و طبعاّ وهو منجعص والأركيلة بإيد والموبايل بلإيد التانية