هل الطيبة تساوي ضعف الشخصية

الماضى كانت الطيبه .. ميزه .. يتميز بها الأنسان و لكن ما اراه اليوم فهي نقطه سيئه لو اصبح

الأنسان يمتلكها .. هذا الواقع ..؟؟؟

طيبـــة القلـــب :

صفة محمودة في الانسان بل ومرغوبة والانسان طيب القلب محبوب من الجميع



القضية :
اصبح الانسان طيب القلب في زمننا هذا شخص ضعيف وخبل((مثلي)) على حد قولهم

واصبحت الطيبة توصف بالضعف والتخلف لماذا ؟؟؟

لانه يتصف بالسماحة والشفافية ..

واصبح الناس يستغلون للاسف طيبة قلب الشخص لقضاء مصالحهم ولتجاوز النظام !!!

((((محاور النقـــاش)))


* هل للطيبة حدود ؟؟؟؟
* مارأيك بطيب القلب وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟


* كيف نتعامل مع طيب القلب ؟؟؟
* هل اصبحت الطيبة عيب ؟؟؟
* هل اصبحت طيبة القلب ==ضعف الشخصية؟؟؟
* كيف يمكن لطيب القلب ان يتعامل مع من حوله حتى لا يصفونه بالضعف ؟؟؟؟
* متى تكون طيب القلب ومتى تكون شرس الطبائع ؟؟؟

الموضوع ناقص تكمله أقلامكم الرائعه وأفكاركم النيرة وحواراتكم الهادفه فلا تحرمونا من هذه المتعه ...

موضوع كتير حلو وبيستاهل نوقف عندو وبيستاهل ينطرح كموضوع نقاش لأنو بغايه من الأهميه للجميع.
بس رح قول انو مهم للبعض من الناس لي عاشو وعاشرو وفهموا شو يعني تكون او تلاقي انسان طيب قلب....
بالبدايه رح جاوب ع الأسئله:
يمكن لازم احكي عن حالي مو عن النظره العامه
طيب القلب هوي انسان انا لقيتو من الناس يلي صارو نادرين بهالدنيا,من الناس يلي صعب تلاقيه, تماماً متل صعوبه انك تلاقي (صديق) وانا قاصد الصديق بالمعنى الكامل لهالكلمه مو المعنى يلي تفرع عن الأصل لأن انا من وجهة نظري ورأيي وقناعتي انو اصعب شي بهالدنيا انك تلاقي صديق.
يمكن وضحت فكرتي للسؤال الأول,لو لقيت هاد الأنسان صعب كتير اتخلى عنو.

طبعا ما وصلت طيبه القلب لحد تنوصف فيه بالعيب,بس وصلت لمرحله انها بتنوصف ضعف نفس وشخصيه

لازم اي انسان مو بس طيب القلب يكون عندو حدود.
الحدود لكل شيء بهالدنيا ومنها طيبه القلب
لانو تأكد انو لو كانت طيبه القلب من دون حدود رح ترجع بالأذى ع صاحبها قبل ما ترجع ع اي حدا تاني باأذى
واكيد في كتير عالم بيتمنوا يلتقو بواحد طيب قلب,حتى يستغلوه لمصالحن

طيب القلب متل ما سبق وقلت انو من الناس يلي صار من الصعب جداً انك تلاقيه بأي مكان او زمان.

شكرا كتير كتير ع هالموضوع الحلو
سامو

هلئ أكيد برأيي أن الطيبة حلوة وضرورة بحياة الانسان بس كمان الطيبة لها حدود يعني ما بيصير تكون طيب مع اي حدا لأن بتصير غشيم شكرا الك سامو

الطيبة نوعين ممكن تكون ضعف و ممكن تكون قوة لا تقهر.
- بتكون ضعف لما الانسان بيكون طيب لأنو ما بيقدر يكون اي شي تاني او لأنو بيخاف مثلا.
- بس الحالة الأحلى هي اللي بتكون فيا الطيبة قوة، لأنو بيكون هالانسان عندو طاقة هائلة و نعمة من الله خصوصي هالايام هي، هي الطيبة هي اللي بتخلي قلبو قوي و قدران يتحمل اي شي منشان هالميزة اللي عندو.
أهم شي الواحد يكون على حقيقتو، و ما يحاول يوصل للمثالية و الكمال لأنو ما حدا بيقدر يوصلا، و يكون الواحد متأكد من اللي عم يعملو و واثق من حالو منيح، و صدقني وقتا ما حدا بيطلعلو يقول عن الطيبة ضعف و ممكن تصير مثال و تغير كتير.

ثانسكس صديقتنا evil girl وبشرفنا انك تنضمي النا بالموقع
وتاني شي حكيك كلو صح بس في كتير حالات ليكون الانسان طيب او لتخلي الانسان بطبعو طيب قلب
في ناس هيك تربت وهيك تعلمت تكون طيبه
وفي ناس تعلمت الطيبه لتخدع ناس وتستغلن
وفي ناس مافيهن طيبه وما عندن رحمه
ومتل ما بيقلك المتل يلي ما بيخاف الله خاف منو
وهدول النوعين التانيين ما بيخافو من ربن

ثانكس مره تانيه وشكرا ع مشاركاتك معنا
على فكره اسمك كتير حلو

أخ سامو
الجواب سهل!!!!
الطيبة بزمن المصالح ما بتشتغل ابدا ونحنا الكل بيعرف انو عايشيين بهاد الزمن
لهيك لازم تحكم عقلك قبل قلبك حتى مع الشخص الي بتحبو.
الطيبة مالا حدود انت بتحطلها حدود.
طيبة القلب مو صفة بالشخص طيبة القلب طبيعة بالانسان بس انت بتوجها اما بالتخلف او الشفافية وممكن تكون فيها خبث لغاية في نفسها.

الطيبة مو عيب بس نعرف نستخدمها حتى ما يقولو شو هل الهبل لانو الطيبة بهالايام هبل.
ممكن تكون طيبة القلب ضعف بالشخصية في حال تعاملنا مع شخص انتهازي طبعا هاد الشخص الي طيبة القلب ما بتنفع معو بالمرة.
والتعامل بكون حسب طبيعتو.. نظرتك الو في حال كان صادق ,كذاب , خبيث , انتهازي ببين فورا معك.
بالنسبة الي انا ما بكون طيب القلب الا مع شخص واحد بس الي هوي أُمي لانو ما بكون عم اكزوب عليها بطيبة قلبي وهي الوحيدة الي بتستاهلا
ومع الناس ما بتعامل بطيبة قلب حتى الي بحبون وحتى اصدقائي المقربين بعاملون بالمنيح مو بطيبة قلب وهاد الشي عم خبرك يا عن تجربة لانو حتى الصديق الي بكل معنى الكلمة صديق ممكن انو يغدور فيك
وطولت عليك
بعتزر